幫助 Help

有咩唔明，睇呢度

訂閱、試用、退款同你嘅資料，常見問題都喺下面。搵唔到答案，就電郵問我哋。

免費試用點計？試完會點？

食乜好要訂閱 EatWhat Pro 先用得。新用戶開始訂閱嗰陣可以免費試 3 個月，實際長度以 App Store 顯示為準。

試用期完咗，訂閱會自動轉做收費，按你揀嘅 plan 經你嘅 Apple ID 收錢。唔想俾錢，喺試用期完之前最少 24 小時取消就得，咁就唔會收費。

訂閱由 Apple 管理。喺 iPhone 打開「設定」→ 撳你個名 →「訂閱」→ EatWhat Pro，就可以改 plan 或者取消。喺 app 入面 EatWhat Pro 嗰版撳「管理或者取消訂閱」都得。

取消咗之後，已經俾咗錢嗰期照用到完，之後就唔會再收。刪除 app 或者刪除帳戶唔會幫你取消訂閱。

所有收費都經 Apple 處理，我哋收唔到你嘅付款資料，亦冇辦法直接退錢俾你。想退款，可以喺 Apple 嘅「回報問題」網站申請，Apple 會按佢哋嘅規則決定。

用返同一個 Apple ID 登入 App Store，喺 app 嘅 EatWhat Pro 嗰版撳「恢復購買」就得。唔使開帳戶。

想連紀錄都帶埋過新機，就要喺舊機用 Apple 或者 Google 登入同步咗先。冇登入嘅話，紀錄只係喺舊機度。

你嘅飲食日記係你嘅。訂閱完咗之後，揀餐廳同記新嘢嗰啲功能會鎖住，但你仍然可以打開 app 睇返同匯出自己嘅紀錄。再訂閱就即刻用返晒。

冇登入嘅話，紀錄同相片只係喺你部電話，刪除 app 就會一齊刪走。

有登入嘅話：喺 app 嘅「我」→「帳戶」，可以「匯出紀錄」或者「刪除帳戶」。冇裝 app 都可以跟住下面嘅刪除帳戶頁申請。刪除帳戶唔會取消訂閱，記得喺 App Store 取消。

用嚟搵你附近嘅餐廳、計行幾耐，同埋記低一餐嗰陣估你喺邊度食。app 只係喺你用緊嗰陣攞位置，唔會喺背景追蹤你；使用數據只會記地區，唔會記座標。

唔俾都得：揀個常用地區，一樣有建議。之後想改，可以喺 iPhone 嘅「設定」度改。

唔使。訂閱同用 app 都唔使開帳戶。想將紀錄同步去第二部機，或者將相片備份上雲，先要用 Apple 或者 Google 登入。

電郵我哋，廣東話或者英文都得，我哋會盡快覆你。